2015 jylǵy 4 jeltoqsan , Astana qalasy
Ishki ister organdaryna qyzmetke turýǵa jáne bos oryndarǵa
ornalasýǵa baılanysty keıbir máseleler týraly
«Quqyq qorǵaý qyzmeti týraly» Qazaqstan Respýblıkasynyń 2011 jylǵy 6 qańtardaǵy Zańynyń 7-babynyń 5 jáne 6-tarmaqtaryna, 29-babynyń 6-tarmaǵyna sáıkes buıyramyn:
1.Qosa berilip otyrǵan:
1) osy buıryqqa 1-qosymshaǵa sáıkes Qazaqstan Respýblıkasynyń ishki ister organdaryna qyzmetke kandıdattardyń vedomstvolyq derekter bankin qalyptastyrýdyń jáne onymen jumys isteý qaǵıdalary;
2) osy buıryqqa 2-qosymshaǵa sáıkes Bos basshylyq laýazymdar týraly málimetter jáne olarǵa ornalasýǵa kandıdattarǵa qoıylatyn talaptar vedomstvolyq aqparattyq-anyqtamalyq júıelerde ornalastyrý qaǵıdalary bekitilsin.
2.Qazaqstan Respýblıkasy Ishki ister mınıstrliginiń Kadr jumysy departamenti (A.Ú. Ábdiǵalıev) zańnamada belgilengen tártipte:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde Qazaqstan Respýblıkasy normatıvtik quqyqtyq aktileriniń Etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásiporynǵa joldaýdy;
4) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy;
5) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Ishki ister mınıstrliginiń Zań departamentine usynýdy qamtamasyz etsin.
3.Osy buıryqtyń oryndalýyn baqylaý Ishki ister mınıstriniń birinshi orynbasary polısııa general-leıtenanty M.Ǵ. Demeýovke, Qazaqstan Respýblıkasy Ishki ister mınıstrliginiń Kadr jumysy departamentine (A.Ú.Ábdiǵalıev) men Memlekettik til jáne aqparat departamenti (A.Sadýbaev) júktelsin.
4. Osy buıryq alǵash resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ishki ister mınıstri
polısııa general-polkovnıgi Q. QASYMOV
Qazaqstan Respýblıkasy Ishki ister mınıstriniń
2015 jylǵy 4 jeltoqsandaǵy № 990 buıryǵyna 1-qosymsha
Qazaqstan Respýblıkasynyń ishki ister organdaryna qyzmetke úmitkerlerdiń vedomstvolyq derekter bankin qalyptastyrý jáne onymen jumys isteý qaǵıdalary
1.Jalpy erejeler
1.Ishki ister organdaryna qyzmetke úmitkerlerdiń vedomstvolyq derekter bankin qalyptastyrý jáne onymen jumys isteý qaǵıdalary (budan ári – Qaǵıdalar) «Quqyq qorǵaý qyzmeti týraly» Qazaqstan Respýblıkasy Zańy 7-babynyń 5 jáne 6-tarmaqtaryna sáıkes ázirlendi jáne Qazaqstan Respýblıkasynyń ishki ister organdaryna qyzmetke kandıdattardyń vedomstvolyq derekter bankin qalyptastyrýdyń jáne onymen jumys isteý tártibin anyqtaıdy.
2.Úmitkerlerdiń vedomstvolyq derekqoryn júrgizý
2.Vedomstvolyq derekter banki (budan ári – Bank) kadrlardyń sapaly quramyn, ishki ister organdarynyń (budan ári – IIO) laýazymdaryna ornalastyrý qajettiligin eskere otyryp, qyzmetke túsý bóligindegi quqyq qorǵaý qyzmeti týraly zańnamanyń talaptaryna sáıkes ishki ister organdarynyń ortalyq apparatynda jáne árbir aýmaqtyq bólinisinde qalyptasady.
3.Bankke konkýrstan ótken jáne odan ári tıisti bos laýazymdarǵa ornalastyrý úshin qyzmetke qabyldaýǵa usynylǵan ishki ister organdaryna qyzmetke kandıdattar týraly málimetter engiziledi.
4. Bank IIO qyzmetke kandıdattardyń básekege qabilettiliginiń kórsetkishterin kórsete otyryp, olar týraly málimetterdi qamtıdy
5.IIO qyzmetke kandıdattardyń tizimin ishki ister organynyń basshysy osy Qaǵıadalarǵa qosymshaǵa sáıkes nysan boıynsha bir bos laýazymǵa keminde úsh adam esebimen bekitedi.
Tizim bekitilgennen keıin kadr qyzmeti elektrondyq formatta qyzmetke kandıdattardyń tizimderin olardyń básekege qabilettiliginiń kórsetkishterin kórsete otyryp, qalyptastyrady.
6.Qyzmetke kandıdattar týraly málimetterdiń tolyqtyǵy men shynaıylyǵyn ishki ister organdary kadr qyzmetiniń basshysy qamtamasyz etedi.
7. Vedomstvolyq derekter bankindegi aqparatty kadr qyzmeti qyzmetke kandıdattardyń tizimi bekitilgennen keıin jańartyp otyrady.
8. Vedomstvolyq derekter banki avtomattandyrylǵan aqparattyq júıe negizinde, sondaı-aq qaǵaz tasymaldaǵyshtarda qujattamalyq materıaldardy jınaqtaý arqyly jumys isteıdi.
9. Bos laýazym bolǵan kezde qyzmetke kandıdattar konkýrstan ótý sátinen bastap bir jyl ishinde jáne biliktilik talaptaryna sáıkes kelgen jaǵdaıda konkýrstan ótpeı tıisti sanat boıynsha ishki ister organdarynyń basqa bólinisindegi laýazymǵa taǵaıyndalady.
10. Bos laýazym bolǵan kezde konkýrs jarııalaǵanǵa deıin kadr qyzmeti olarmen áńgimelesý júrgizý úshin básekege qabilettiliginiń kórsetkishi anaǵurlym joǵary qyzmetke kandıdattardy anyqtaıdy.
11. Laýazymǵa taǵaıyndaý kezinde qyzmetke kandıdattar týraly málimetter avtomatty túrde qyzmetkerler sanatyna ótedi.
12. Banktegi málimetterdi óńdeý kezinde uıymdastyrýshylyq sharalardy jáne aqparatty qorǵaý quraldaryn qamtıtyn qorǵaý júıeleriniń kómegimen olardyń qaýipsizdigi qamtamasyz etilýi tıis.
Derbes derekterdi olarmen almasý aqparattyq júıelerde óńdeý kezinde baılanys arnalary arqyly júzege asyrylady, olardy qorǵaýdy uıymdastyrýshylyq sharalardy iske asyrý arqyly jáne baǵdarlamalyq ári tehnıkalyq quraldardy qoldaný arqyly qamtamasyz etiledi.
Qazaqstan Respýblıkasynyń ishki ister organdaryna qyzmetke kandıdattardyń vedomstvolyq
derekter bankin qalyptastyrý jáne onymen jumys isteý qaǵıdalaryna qosymsha
nysan
Bekitemin
____________________________
(tizimdi bekitetin adamnyń laýazymy, ataǵy, tegi, aty-jóni, qoly)
20 ___ jylǵy «___» _________
Ishki ister organdaryna qyzmetke kandıdattardyń tizimi
r/s №
Tegi, aty, ákesiniń aty (bar bolsa) Týǵan kúni, bilimi (qashan, neni bitirdi) Laýazymnyń qandaı sanatyna usynylady Laýazymǵa taǵaıyndaý týraly belgi Qyzmetke kandıdattar qataryna qabyldaý negizdemesi (komıssııanyń sheshimi)
Qoly _______________________
(tizimdi qurastyrǵan adamnyń laýazymy,
ataǵy, tegi, aty-jóni jáne qoly )
20 ___ jylǵy «___» _________
Qazaqstan Respýblıkasy Ishki ister mınıstriniń
2015 jylǵy 4 jeltoqsandaǵy № 990 buıryǵyna 2-qosymsha
Bos basshylyq laýazymdar týraly málimetter jáne olarǵa ornalasýǵa kandıdattarǵa qoıylatyn
talaptar vedomstvolyq aqparattyq-anyqtamalyq júıelerde ornalastyrý qaǵıdalary
1. Jalpy erejeler
1. Osy bos basshylyq laýazymdar týraly málimetter jáne olarǵa ornalasýǵa kandıdattarǵa qoıylatyn talaptar vedomstvolyq aqparattyq-anyqtamalyq júıelerde ornalastyrý qaǵıdalary «Quqyq qorǵaý qyzmeti týraly» 2011 jylǵy 6 qańtardaǵy Qazaqstan Respýblıkasynyń Zańyna sáıkes ázirlendi jáne bos basshylyq laýazymdar týraly málimetterdi jáne olarǵa ornalasýǵa kandıdattarǵa qoıylatyn talaptardy vedomstvolyq aqparattyq-anyqtamalyq júıelerde ornalastyrý tártibin aıqyndaıdy.
Vedomstvolyq aqparattyq-anyqtamalyq júıe (budan ári - aqparattyq júıe) – paıdalanýshylarǵa bir nemese birneshe baǵyt boıynsha Qazaqstan Respýblıkasy Ishki ister mınıstrliginiń (budan ári - Mınıstrlik) qyzmeti týraly qajetti ózekti aqparatty beretin, aqparattyq úrdisterdi iske asyrý úshin arnalǵan Internet jelisinde ornalasqan resmı elektrondyq aqparattyq resýrs.
2. Bos basshylyq laýazymdar týraly málimetterdi jáne olarǵa ornalasýǵa kandıdattarǵa qoıylatyn talaptardy vedomstvolyq aqparattyq-anyqtamalyq júıege ornalastyrý tártibi
Mınıstrliktiń aqparattyq júıesinde bos basshylyq laýazymdar týraly málimetter jáne olarǵa ornalasýǵa kandıdattarǵa qoıylatyn talaptar ornalastyrylady, olardy taǵaıyndaý «Vedomstvonyń qyzmeti» bóliminiń «Kadr saıasaty» kishi bóliminde Mınıstrdiń, mınıstrdiń orynbasarlarynyń jáne aýmaqtyq bólinister basshylarynyń quzyretine kiredi.
Mınıstrliktiń aqparattyq júıesine bos basshylyq laýazymdar týraly málimetterdi jáne olarǵa ornalasýǵa kandıdattarǵa qoıylatyn talaptardy kadr qyzmetteri, ishki ister organdarynyń aýmaqtyń bólinisterinde kadr qyzmetiniń usynymy boıynsha memlekettik til jáne aqparat bólinisteri osy Qaǵıdalarǵa qosymshaǵa sáıkes nysan boıynsha bos laýazymdar paıda bolǵan kúninen bastap úsh jumys kúni ishinde memlekettik jáne orys tilderinde ornalastyrady.
5. Bos basshylyq laýazymdarǵa ornalasatyn kandıdattarǵa qoıylatyn talaptar «Qazaqstan Respýblıkasy ishki ister organdary laýazymdarynyń sanattaryna qoıylatyn biliktilik talaptaryn bekitý týraly» Qazaqstan Respýblıkasy Ishki ister mınıstriniń 2015 jylǵy 5 mamyrdaǵy № 432 buıryǵymen (Normatıvtik quqyqtyq aktilerdi memlekettik tirkeý tiziliminde № 11357 bolyp tirkelgen) bekitilgen ishki ister organdarynyń laýazymdaryna qoıylatyn biliktilik talaptarǵa sáıkes anyqtalady.
Bos basshylyq laýazymdar týraly málimetter jáne olarǵa ornalasýǵa kandıdattarǵa qoıylatyn talaptar vedomstvolyq aqparattyq-anyqtamalyq júıelerde ornalastyrý qaǵıdalaryna qosymsha
Qazaqstan Respýblıkasy ishki ister organdarynyń bos basshylyq laýazymdar týraly
málimetterdi jáne olarǵa ornalasýǵa qoıylatyn talaptar
Qazaqstan Respýblıkasy Ishki ister mınıstrliginiń Ortalyq apparaty
№ Bos laýazym Bos oryndar sany Kandıdattarǵa qoıylatyn talaptar
Ortalyq apparattyń qurylymdyq bólinisiniń ataýy
Qazaqstan Respýblıkasy Ishki ister mınıstrliginiń Ortalyq apparaty
№ Bos laýazym Bos oryndar sany Kandıdattarǵa qoıylatyn talaptar
Aýmaqtyq bólinistiń qurylymdyq bólinisiniń ataýy
Buıryq Qazaqstan Respýblıkasynyń Ádilet mınıstrliginde 2015 jylǵy 29 jeltoqsanda Normatıvtik quqyqtyq kelisimderdi memlekettik tirkeýdiń tizilimine №12596 bolyp engizildi.